Landlæknisembættið - Directorate of Health

Í síðustu viku (viku 45) greindust samtals 797 einstaklingar með inflúensulík einkenni samkvæmt skráningu heilbrigðisþjónustunnar, en það eru töluvert færri en í vikunni á undan (mynd 1). Tifellum fækkaði bæði á höfuðborgarsvæðinu og á landsbyggðinni (mynd 2). Frá 29. júní – 8. nóvember hafa alls 8650 einstaklingar greinst með inflúensulík einkenni. Þar af eru 3942 karlar og 4618 konur.
Enn greinast hlutfallslega fleiri börn í aldurshópnum 0–9 ára með inflúensulík einkenni, færri greinast í öðrum aldurshópum og eftir sextugt fækkar tilfellum verulega.

Staðfest tilfelli inflúensu A(H1N1)v 2009 á Íslandi
Þann 8. nóvember sl. höfðu alls 676 einstaklingar greinst með inflúensu A(H1N1)v 2009 á Íslandi sem staðfest var á veirufræðideild Landspítala. Þar af voru 332 karlar og 344 konur. Í síðustu viku (viku 45) var sýkingin staðfest hjá 30 einstaklingum, sem eru færri en í vikunni á undan (vika 44), en þá var sýkingin staðfest hjá 55 einstaklingum (mynd 3). Tilfelli hafa verið staðfest hjá fólki með búsetu í öllum sóttvarnaumdæmum.

Innlagnir á sjúkrahús
Frá 23. september til 9. nóvember 2009 hafa rúmlega 170 einstaklingar verið lagðir inn á sjúkrahús með grun um inflúensu eða staðfesta inflúensu A(H1N1)v 2009.
Langflestir hafa verið lagðir inn á Landspítala eða 133, þar af hafa alls 19 einstaklingar legið á gjörgæsludeild Landspítalans vegna inflúensu. Þann 9. nóvember voru 31 sjúklingur innliggjandi með inflúensu á Landspítala, þar af voru sjö á gjörgæslu.
Alls 20 einstaklingar hafa lagst inn á Sjúkrahúsið á Akureyri vegna inflúensu, þar af hefur einn legið á gjörgæsludeild.
10  manns hafa verið lagðir inn á Heilbrigðisstofnun Suðurnesja og voru tveir inniliggjandi þar þann 9. nóvember sl.
Stöku innlagnir hafa orðið á öðrum heilbrigðisstofnunum, þar af voru tveir á sjúkrahúsinu í Vestamanneyjum og á Neskaupstað og einn á Blönduósi,  Selfossi og Egilstöðum.

Mynd 1

Mynd 2

Mynd 3

Sóttvarnalæknir